最新資訊
酒井法子落力演晚餐骚 获男粉丝抹汗
日期: 2015-12-29 10:14
强国人近年攻日乜都抢一餐，由电器铺到药房都出现抢购人龙，令日本人称之为「爆买」，而爆买仲成为今年嘅流行语，真系唔知系咪值得恭喜。强国游客继爆买电器同埋爆买药物之後，酒井法子晚餐骚门票都成为爆买目标，连《周刊文春》等当地杂志都有大篇幅探讨。於09年爆出毒案嘅酒井，近年积极洗底搵两餐，佢今年12月都会走遍6地开晚餐骚，而且反应热烈，据指晚餐骚门票吸引大量内地粉丝抢飞，太阳城注册《周刊女性》报道又指，酒井嘅大阪站晚餐骚最贵价值达35,000日圆一张，全场共有230个座位，几乎爆满。记者更去酒井寓所追访，佢谈到晚餐骚反应热烈即笑晒讲多谢，不过当被问到吸男前夫同埋囝囝时即面色一沉，似乎不愿多谈。酒井日前於东京开骚，吸引唔少大中华拥趸捧场，获得观众热烈支持，酒井当然加倍落力，唔知系咪落力到标汗，有台下男性观众即刻帮偶像抹汗o添！
