最新資訊
轩仔首开腔：好多大陆真人骚都有搵我
日期: 2015-12-16 09:46
大陆传媒言之凿凿话张敬轩因为撑占领，所以被飞出《我是歌手4》，又有报道指系因为大妈陈净心举报有功乜乜乜。太阳城棋牌最好信誉黄秋生一早都讲咗，totally ignore佢就得：而且陈大妈之前话检举卢凯彤撑占领，但卢凯彤已表明冇收过封杀通知，大陆嘅job亦继续倾紧。陈大妈似是多此一「举」。至於话轩仔被退出《我是歌手4》，但轩仔同经理人Mani霍汶希都表示:冇参加，又何来退出？
今日Mani回覆《苹果》查询时已回应咗:「公司冇人落实过轩仔参加《我是歌手4》，所以唔存在退出问题。」问到湖南卫视有否邀请轩仔参加《我是歌手4》？Mani表示：「有探讨过，但公司冇落实过轩仔参加，佢哋亦冇公布过有轩仔。」晚上轩仔到金钟PP出席由佢同王菀之配音电影《小王子》3D首映上，口径一样。轩仔话，今日见到自己被退出嘅报道，都觉得好愕然，佢话:「我嘅期表系去到一月份，就系做澳门演唱会同颁奖礼，其他工作安排呢，Mani都话系冇嘅。其实好多大陆真人骚都有搵我，但就冇听过呢回事(《我是歌手4》)罗。」
讲到陈大妈，佢真系犀利喇，学秋生话斋，上纲上线一味靠屈，完全不讲逻辑，但佢咁样讲一讲，又大把人附和。依家佢咁样高举轩仔，玻璃心水兵又出动。轩仔话:「每个人都有权发表睇法同意见，但系我自己就得一个睇法，太阳城棋牌最好信誉就系啲歌迷千祈唔好骚扰到人哋。网络暴力系唔啱嘅。」班大陆网民系咁喺微博FF，叫轩仔滚出大陆又话封杀又盛。零创意。轩仔对此谓:「其实要讲嘅呢，去年已经讲晒(去年都有传过轩仔被玻璃国封杀)喇，而且今次呢件事都唔系事实，我都唔知道点回应。依家内地嘅工作仲系继续，冇受过今次事情影响。」
讲到秋生力撑佢，轩仔话:「吓系咩？佢几时讲0架？不过社会系包容唔同意见同睇法，大家嘅出发点只系得一个，就系想呢个社会稳定，人人有工开，大家都开开心心，越少纷争越好啦。」至於阿梅遗物再度被拍卖，轩仔之前亦曾出价，望保住阿梅遗物，今晚轩仔就表示:「今次件事交晒俾志伟哥统筹，我都觉得自己上一次好似有少少好事多磨，好似有少少推高咗个价。不过大家心态都系一样嘅，今次就交俾前辈处理。我哋应该帮梅姐保留光辉同成果。」
